Tottenham Hotspur të shtunën mbrëma e ka mposhtur Watfordin me një gol të vonshëm, ndërsa është bërë viral reagimi i Antonio Contes.
Spursat fituan me një gol të vonshëm të shënuar në minutën e gjashtë shtesë nga Davinson Sanchez dhe nuk mund të mungonte gëzimi i trajnerit.
Strategu italian njihet si një prej trajnerëve korrektë në botën e futbollit për faktin se i respekton kundërshtarët dhe këtë e dëshmoi sërish të shtunën mbrëma.
Look at Conte’s face when he realized he’s celebrating in Ranieri’s face 🥺https://t.co/9nBSYHmjfN
— Luka (@Lukathfc) January 1, 2022
Pas golit të që rezultoi i fitores, Conte nisi një festë pasionante dhe nuk mund t’i kontrollonte emocionet në reagimin e tij.
Mirëpo, kur e kuptoi se është duke festuar para trajnerit të Watfordit, Claudio Ranieri, u ndal menjëherë dhe me gjestin e tij tregoi se nuk ndihej komod për shkak të atij veprimi.
Në këtë mënyre, ai tregoi edhe një herë se sa i vlerëson rivalët, e sidomos kur është fjalë për bashkëkombësin e tij me përvojë. Tifozë të shumtë kanë reaguar në rrjetet sociale duke e lavdëruar këtë gjest të Contes. /Telegrafi/