Gent Begolli nga AAK-ja, në emisionin “Debat D Plus” të RTV Dukagjinit, ka thënë se në zgjedhjet lokale të 22 tetorit partia e tij ka shënuar një rritje të madhe.
Begolli, që në zgjedhjet e 22 tetorit ishte bartës i listës së AAK-së për Prishtinën, tha se partia e tij ka shënuar sukses të madh.
“Në vitin 2013 në Prishtinë kemi pasur 5,500 vota kurse tash kemi 8, 200 vota… AAK në nivel vendi në zgjedhjet lokale i ka 100 mijë vota. Jemi në një fazë të mirë, pra jemi duke e rritur numrin e komunave të fituara. I kemi fituar dy komuna. Jemi në gjashtë komuna në balotazh, në katër prej tyre prijmë kurse në dy prej tyre jemi të dytët. Në të gjitha ato komuna nuk kemi qenë fitues në vitin 2013, kurse tash jemi të parët”, tha Begolli.
“Besoj se AAK do të jetë në hartën e partive serioze në vend dhe që ka një elektorat të qëndrueshëm”, tha Begolli. /Telegrafi/
