Shkencëtarët me bazë në Universitetin e Australisë Jugore janë duke ju rekomanduar njerëzve të hanë më shumë çokollatë për ta përmirësuar inteligjencën.
Hulumtimi i tyre është bazuar në informacionet e stilit të jetës, të cilat janë marrë nga Maine-Syracuse Longitudinal Study – i cili ka monitoruar shëndetin e afër 2000 individëve që nga viti 1976, transmeton Telegrafi.
Ekipi i udhëhequr nga Dr Georgina E Crichton ka analizuar rezultatet e testeve konjitive të kryera nga 968 pjesëmarrës.
Duke i krahasuar rezultatet e atyre të cilët kanë ngrënë çokollatë më pak se një herë në javë dhe të atyre që kanë ngrënë më shumë se një herë në javë, ata kanë zbuluar një ndërlidhje befasuese.
Sipas studimit, ishin shfaqur ndërlidhje pozitive mes shpeshtësisë së madhe të konsumimit të çokollatës dhe performancës pozitive në testet konjitive.
Aftësitë konjitive janë bisedimi dhe vozitja në të njëjtën kohë, mbajtja mend e një numri të gjatë, vizualizimi mental i një koncepti etj.
Përderisa ky studim nuk ka shpjeguar se përse çokollata i përmirëson këto aftësi, hulumtimet e mëhershme sugjerojnë se flavanolet e kakaos janë përgjegjëse për efektet pozitive në tru. /Telegrafi/