Manchester United nuk ka mundur të triumfon mbrëmë në kuadër të Ligës Premier.
“Djajtë e Kuq” barazuan para shikuesve të vetë me Watfordin me rezultat 1:1.
Kjo ka bërë që të përkeqësohet gjendja e Unitedit në renditjen tabelore duke mbetur jashtë pozitës që e dërgon në Ligën e Kampionëve, transmeton Telegrafi.
Sipas të dhënave statistikore, Jose Mourinho është më i dobët se sa paraardhësi Louis Van Gaal duke pasur nëntë barazime deri më tani.
Në fakt, deri në xhiron e 29 trajneri portugez ka fituar 54 pikë në total, përkatësisht ka dy më pak se holandezi Van Gaal.
Por, kjo nuk e ka lëkundur karrigen e Jose dhe se ka mbështetjen e plotë të stafit të klubit anglez.
Ndryshe, United gjende në vendin e pestë të renditjes tabelore të ligës elitare angleze me 54 pikë. /Telegrafi/