Bayern Munich ka barazuar me rezultat 1-1 ndaj Freiburgut në ndeshjen e vlefshme për javën e 10-të të Bundesligas.
Skuadra e drejtuar nga Niko Kovac nuk ka arritur të marrë edhe fitoren e tretë radhazi në kampionatin gjerman pasi është ndalur në shtëpi nga Freiburgu.
Pjesa e parë e ndeshjes u karakterizua me dominim të vendasve, të cilët krijuan shumë raste me Robert Lewandowski e Arjen Robben, por asnjëri nga rastet nuk e gjeti rrjetën dhe skuadrat shkuan në pushim pa gola.
45 minutes down at the #AllianzArena. No goals yet 🔒#FCBSCF 0-0 pic.twitter.com/MBb6CVMO9G
— FC Bayern English (@FCBayernEN) November 3, 2018
Në pjesën e dytë, mysafirët arritën ta gjejnë golin pas vetëm nëntë minutave me anë të Tim Kleindienst, por goli ishte i parregullt.
Pas këtij goli, Bavarezët filluan iniciativën dhe sulmet, por golin e gjetën vetëm në minutën e 80-të me anë të Serge Gnabry, i cili shënoi për 1-0.
What a time to score your first #FCBayern goal 💪#MiaSanMia #FCBSCF 1-0 pic.twitter.com/fas63srSvW
— FC Bayern English (@FCBayernEN) November 3, 2018
Megjithatë, Freiburgu nuk u dorëzua dhe barazoi në 1-1 me anë të Lucas Holer , i cili vulosi rezultatin përfundimtar.
Pas këtij barazimi, Bayerni ka 20 pikë në vendin e dytë, ndërsa Freiburgu renditet në vendin e 10-të me 13 pikë.
Në ndeshjen e radhës, Bavarezët luajnë në udhëtim te Borussia Dortmundi, teksa Freiburgu e pret Mainzin. /Telegrafi/