Bayern Munichu është kualifikuar në gjysmëfinale të Ligës së Kampionëve më vështirë se që ishte menduar pasi një barazim pa gola i ka mjaftuar gjermanëve për të eliminuar Sevillën me rezultat të përgjithshëm (2-1) pas dy ndeshjeve.
Ndeshja e parë në Spanjë që përfundoi me rezultat të ngushtë në favor të Bayernit garantoi se sfida kthyese do të ishte elektrizuese.
Të dy trajnerët vendosën të taktizojnë duke inkuadruar nga një sulmues ekstrem, ku spikatën Leëandoëski dhe Ben Yedder.
Allianz Arena ishte stërmbushur nga tifozët me fiks 70 mijë ulëse të zëna, që është edhe kapaciteti maksimal i këtij stadiumi.
Bayerni dominoi fillimin e ndeshjes duke krijuar më shumë raste qysh në minutat e parë, ofensivë prej të cilës shpëtoi mirë Sevilla.
Sevilla pati një mundësi të artë me Escuderon, i cili shpërdoroi një mundësi të mrekullueshme pas 26 minutash lojë.
Me të filluar pjesa e dytë, Sevilla tentoi që me Banegan dhe Correan të gjejë golin, të dy këto mundësi që kaluan shumë pranë portës pas një ore lojë.
Deri në fund Montella bëri disa zëvëndësime, por të cilat nuk u treguan aq efikase dhe bëri që ndeshja të përfundonte pa gola.
Bayernit kështu i mjaftoi performanca nga ndeshja e parë duke u kualifikuar në gjysmëfinale me rezultat të përgjithshëm 2-1 pas dy ndeshjeve. Ndërkaq, Sevilla tregoi edhe një herë pedigre evropiane dhe eliminohet kokëlartë pas një lufte dinjitoze të shfaqur në dyja ndeshje. /Telegrafi/