Bayern Munich ka fituar me vështirësi ndaj Paderbornit në kuadër të javës së gjashtë në Bundesligë me rezultat 2-3.
Golin e parë në këtë takim e realizoi Serge Gnabry në minutën e 15-të, pas asistimit që pranoi nga Philippe Coutinho.
Pjesa e parë përfundoi me këtë rezultat minimal, ndërsa në të dytën u realizuan edhe tre të tjerë.
Coutinho dhe Gnabry më pas i ndërruan vendet, për ta dyfishuar epërsinë e Bavarezëve në minutën e 55-të.
Vendasit e ngushtuan epërsinë e kampionit në fuqi me anë të Kai Proger (68’), nga një asistim i Mohamed Drager.
Por, Robert Lewandowski edhe në këtë xhiro arriti të shënojë gol, derisa atë e realizoi në minutën e 79-të nga një shërbim mjaftë i mirë i Niklas Sule.
Paderborn nuk u ndal me kaq, pasi sërish arriti ta ngushtonte epërsinë me anë të Jamili Collins (84’).
Pas javës së gjashtë, Bayerni gjendet në vendin e parë me 14 pikë, ndërsa në xhiron e ardhshmë do ta pret Hoffenheimin. /Telegrafi/
Goal Philippe Coutinho vs Padeborn pic.twitter.com/E8KVtkGKYr
— CoutinhoFR 🇫🇷 (@Coutinho7Fans) September 28, 2019