Bayern Munichu ka fituar me rezultat 2-0 në udhëtim te Hoffeinhemi në ndeshjen e vlefshme për javën e 11-të në Bundesliga.
Ekipi i Jules Nagelsmann ka vazhduar formën pozitive në kampionat duke marrë fitoren e dytë radhazi apo të treten nga katër ndeshjet e fundit, ku ka edhe një barazim.
Pjesa e parë e ndeshjes u karakterizua me lojë më të mirë dhe dominim të Bavarezëve, të cilët përveç rasteve shënuan edhe dy gola.
Goli i parë i ndeshjes erdhi në minutën e 18-të me anë të Jamal Musiala, i cili shënoi për 0-1, ndërsa Eric Maxim Choupo-Moting (38′) shënoi për 0-2.
Deservedly on top at the break 👊
🔴⚪ #TSGFCB 0-2 pic.twitter.com/Wgvan9C29t
— FC Bayern Munich (@FCBayernEN) October 22, 2022
Në pjesën e dytë, u luajt lojë më e barabartë, por me Bayernin përsëri skuadër më të mirë, duke krijuar diçka më shumë dhe menaxhuar lojën.
Megjithatë, në këtë 45 minuta asnjëra skuadër nuk arriti ta gjej rrjetën dhe Bayerni iu gëzua në fund fitores me rezultat 2-0.
Job done ➕3️⃣
🔴⚪ #TSGFCB 0-2 pic.twitter.com/YhlPmd8yBM
— FC Bayern Munich (@FCBayernEN) October 22, 2022
Pas kësaj fitore, Bavarezët e shohin veten në pozitën e dytë me 22 pikë, teksa Hoffenheimi zë vendin e gjashtë me 17 pikë.
Në ndeshjen e radhës, Bayerni e pret Mainzin, ndërsa Hoffenheimi udhëton te Kolni. /Telegrafi/