Ishte koha kur Neymar kishte filluar shkëlqimin te Snatosi dhe shumë klube ishin vënë pas tij.
Në vitin 2013, për të interesoheshin Real Madridi, Barcelona, por edhe Bayern Munich.
Asokohe trajner ishte Pep Guardiola, i cili e donte me ngulm brazilianin, por klubi e bleu Mario Gotzen.
Uli Hoeness flet për herë të parë për lojtarin dhe tregon arsyet që Neymar nuk u ble në fund.
“Ne e kuptuam shpejt se negociatat do të ishin të vështira dhe kjo u mor vesh më pas, kur pamë se çfarë hoqi Barcelona. Katalanasit duhet të bënin disa lëvizje të tjera për ta blerë”.
“Nuk po flasim për shumën që do t’i paguhej klubit, por për shuma të tjera që duheshin paguar te disa persona. Një gjë të tillë ne nuk e bëjmë kurrë, kështu që refuzuam”, ka thënë Hoeness.
Barcelona u desh të paguaj palëve të treta, si kompania që menaxhon lojtarin apo babai i tij si menaxher.
Barcelona fillimisht tha se lojtari u ble 57 milionë euro, por ën fund doli që për të u harxhuan afër 100 milionë euro. /Telegrafi/