Bayern Munich i falet golit të Kane dhe merr pikët e plota ndaj Borussia M’Gladbach

Bayern Munich ka shënuar fitore me rezultat minimal 1-0 në udhëtim ndaj Borussia Monchengladbach në kuadër të javës së 16-të në elitën e futbollit gjerman. 

Mysafirët patën dy raste të njëpasnjëshme, por nuk arritën ta gjejnë golin e avantazhit. 

Fillimisht i pari që rrezikoi ishte Leon Goretzka i cili në minutën e 19-të shpërdoroi një mundësi të pastër shënimi. 

Një tjetër rast të mirë shënimi e pati edhe Thomas Muller në minutën e 23-të, por gjuajtja e tij u prit me shumë mund nga portieri vendas. 

Vendasit kërcënuan në pjesën e dytë përmes sulmuesit Tim Kleindienst i cili në minutën e 49-të iu afrua golit me kokë, por ishte i pafat. 

Në minutën e 66-të bavarezët fituan një penallti të cilën e shndërroi në gol me sukses Harry Kane duke realizuar për 1-0. 

Sane pati edhe një rast tjetër shënimi në minutën e 71-të, por gjuajtja e tij nga jashtë zonës përfundoi krejtësisht mbi portë. 

Deri në përfundim të ndeshjes Bayerni përkundër rasteve që pati nuk arriti të shënojë më duke fituar kështu me një gol të Kane. 

Pas javës së 16-të Bayerni vazhdon si lider në Bundesliga me 39 pikë të grumbulluara, katër më shumë se Leverkuseni në vendin e dytë që ka 35 sosh./Telegrafi/