Bayer Leverkusen ka shënuar fitore ndaj Heidenheim me rezultat 2-1 në kuadër të javës së 22-të të Bundesligas.
Pjesa e parë nuk është se solli raste të mira, me liderët e Bundesligës që kontrollonin ndeshjen.
Në rastin e parë të mirë, Bayer Leverkusen arriti të shënojë dhe atë në kohën shtesë të pjesës së parë, me Amine Adli që asistoi te Jeremie Frimpong për të shënuar për 1-0.
👌 Der Pass von Amine war auch Zucker! 😍#FCHB04 0:1 | #Werkself | #Bayer04 https://t.co/ZlsJczBUoO pic.twitter.com/PZm2zDisTa
— Bayer 04 Leverkusen (@bayer04fussball) February 17, 2024
Pjesa e dytë nisi me raste nga të dyja palët, por që nuk arritën të shënonin.
Në minutën e 81-të, Bayer Leverkusen arriti të shënojë golin e dytë, kur Florian Wirtz pasoi te Amine Adli që shënoi për 2-0.
Por pas gjashtë minutash, Nikola Dovedan asistoi te Marvin Pieringer që shënoi për 2-1 për të hapur ndeshjen.
Ky gol nuk është se ndryshoi diçka në fund, pasi që Bayer Leverkusen mori fitoren e radhës që e mban në vendin e parë me 58 pikë, tetë më shumë se Bayern Munich, që ka një ndeshje më pak. /Telegrafi/