Balotelli – Ronaldo i ri i Ligës Premier?

Balotelli në sezonin e ri do luajë në Ligën Premier për Manchester Cityn

         Atributet teknike

 

Finalizmi dhe goditjet nga largësia

Edhe pse në moshën 20 vjeçare, Balotelli posedon aftësi të pabesueshme të finalizimit. Kompoziteti i tij para golit është nga më të mirët dhe ju mund të vini bast për të shënuar kur ai gjendet një në një para portierit. Ai shpeshherë preferon ta kalojë portierin dhe di të godasë mjaft mirë me të dyja këmbët edhe pse natyralisht është djathtak.

Muskujt tmerrësisht të fuqishëm, një e djathtë raketore, kanë bërë që ai të shënojë një numër golash nga largësia përgjatë viteve të kaluara. Vollejt dhe gjysmë-vollejt e Balotellit gjithashtu duhet të shihen me vëmendje, por ai mund ta fusë topin me saktësi në portë. Në aspektin e finalizimit, ju për pak vite mund ta shihni Balotellin të jetë konkret si Cristiano Ronaldo, përderisa ai është në të njëjtin nivel me yllin e Realit nga distanca.

Edhe kur luani qan…

Shkathtësia, lëvizshmëria dhe driblimi

Për një sulmues të llojit të tij, Balotelli ka teknikë fantastike. Kontrolli i tij është pothuajse gjithmonë i përkryer dhe ai ka aftësi të frikshme driblimi dhe lëvizshmërie. Pasi që godet me të dy këmbët si Ronaldo, Mario mund të shkojë në të njëjtën kohë si në të majtë ashtu dhe në të djathtë, që ia vështirëson kundërshtarit leximin e lëvizjeve të tij.

Përderisa Balotelli nuk është ende në nivelin e Ronaldos në kalimin e lojtarëve në shpejtësinë më të madhe, ai është larg më superior në driblimin e mbrojtësve në hapësira të ngushta dhe në shpejtësi të vogël, diçka për të cilën superylli portugez kurrë nuk u shqua.

Ndërprerjet

Në epokën kur ka shumë pak specialistë të ndërprerjeve për shkak të vështirësisë për të kontrolluar topat sintetikë, Balotelli natyrisht është një prej më të jashtëzakonshmëve. Tinejxheri është klasi botëror në ekzekutimin e goditjeve të lira, kornerëve dhe penaltive. Ai mund t’i gjuajë goditjet e tij me fuqi apo precizitet, nga distanca të shkurtra, të mesme apo të largëta edhe pse sa më larg ai është aq më i mirë. Balotelli ka më shumë kontroll dhe qëndrueshmëri në goditjet e lira se Ronaldo, i cili godet shumë fortë por dhe dështon. Kornerët e Balotellit, ashtu si harkimet, gjithnjë hyjnë në zonën e rrezikshme dhe Emmanuel Adebayor duhet të jetë përfituesi më i madh në këtë aspekt.

Kreativiteti dhe pasimi

Balotelli ka tru fantastik futbolli dhe vëmendje nëpër situata të rrezikshme si askush tjetër. Vendosmëria e tij është në përgjithësi e mirë dhe pasimet e tij nuk mund të jenë të gabuara.

Balotelli rregullisht do të hapë mbrojtjet me një pasim të mençur dhe numri i asistimeve në baza sezonale do të jetë i madh nga ai, përkundër kritikave të mëdha se ai është egoist dhe tepër ambicioz në atë që bën. Këto skenarët negativë zakonisht paraqiten kur Balotelli nuk është mirë psikologjikisht. Përsëri, ka ngjashmëri me Ronaldon edhe pse Baloteli është ndoshta më shumë lojtar ekipor dhe edhe pse kjo sferë është diçka në të cilën ai mund të përmirësohet.

Një nga golat më të bukur në karrierën e B45, i shënuar ndaj Rubin Kazanit nga 35 metra!

Lufta në ajër

Me 189 centimetrat e tij, Balotelli duhet të jetë shumë më i rrezikshëm në ajër se sa që është. Problemi i tij kryesor është se ai deri tani nuk ka pasur dëshirë të futet në zona ku mund të shënojë me kokë. SuperMario preferon të shkaktojë dëme jashtë zonës dhe kjo është diçka në të cilën ai duhet të punojë për t’u kompletuar. Ronaldo është një nga më të mirët me kokë, por ishte viti 2006/2007 koha kur Ronaldo u zhvillua dhe ky mund të jetë shembull për sulmuesin italian.

 

                     Atributet fizike

 

Fuqia

Balotelli është i bekuar me një fizik të pabesueshëm natyral muskulor, gjë për të cilën ai kurrë nuk mund të rrëzohet nëpër duele. Ky është atribut kyç për ta pasur në gjak kur duhet të luftohet në Ligën Premier. Me një agresivitet të një Wayne Rooney dhe me faktin se ai është 20 vjeçar, SuperMario vetëm sa po bëhet më i fortë dhe më i fortë, duke u bërë me proporcione fizike tmerruese në vitet në vijim. Ronaldo ka një trup të fuqishëm, por Balotelli është bishë.

Shpejtësia

Balotelli ka këto cilësi eksplozive të cilat i posedojnë shumica e sulmuesve modern, siç janë David Villa, Fernando Torres, Lionel Messi dhe Ronaldo. Ai nuk është aq i shpejtë jashtë blloqeve si Ronaldo nga ana e lëvizshmërisë, por kur Balo do ta marrë veten, atëherë do të ketë pak mbrojtës që do ta arrijnë atë. Nëse Balotelli është para kundërshtarit, atëherë ai nuk mund të zihet.

Gëzimi si fëmijë pas fitimit të Scudettos…

Forma fizike

Balotelli pësoi shumë pak dëmtime që prej se doli në skenë në vitin 2008 dhe natyrisht asnjë prej atyre dëmtimeve nuk e ka lënë jashtë funksionit për periudha të gjata kohore. Tinejxheri ka luajtur 86 ndeshje për Interin në dy vitet e gjysmë dhe 16 ndeshje për Italinë U-21, që janë shifra mbresëlënëse kur merrni në konsideratë vetëm moshën e tij, por problemet e tij disiplinore shpeshherë e panë atë jashtë skuadrës Nerazzure. Ronaldo gjithashtu mungoi në pak ndeshje te Manchester Unitedi.

 

 

 

                                Atributet mendore

 

Temperamenti dhe disiplina

Nuk është befasi për cilindo që e lexon këtë pjesë se dobësia e Balotellit është temperamenti i tij. 20-vjeçari është një fishekzjarr i cili pritet të eksplodojë dhe në karrierën e tij të shkurtër, ai ka dështuar dhe ka pasur telashe me trajnerët, bashkëlojtarët, gjyqtarët, kundërshtarët dhe tifozët. Ai është dëbuar nga Jose Mourinho në raste të shumta, është kacafytur me Marco Materazzin dhe ai madje është vërshëllyer nga tifozët, të cilët kërkuan largimin e tij pas hedhjes në tokë të fanellës pas gjysmëfinales ndaj Barcelonës. Por, më e keqja fillon këtu. Balotelli haptas ka pranuar se ai është tifoz i Milanit, madje duke shkuar t’i shikojë Rossonerët dhe duke veshur fanellën e rivalit të përgjakshëm lokal në televizion.

Balotelli hedhë në tokë fanellën e Interit…një nga momentet më të idhëta për një tifoz Nerazzur

Balotelli ka një qëndrim shumë kontrovers, madje larg më kontrovers se që e ka pasur Ronaldo. Përderisa portugezi ka një karakter që irriton publikun, Balotelli prezanton një menalitet ‘e tërë bota është kundër meje’, e cila nuk i ndihmon Balos në fitimin e simpatizantëve. Do të jetë intersante të shihet kjo në Ligën Premier, ku ai e ka rastin të kthejë një faqe të re dhe t’u tregojë anglezëve se ai nuk është problematik, ashtu siç të gjithë e quajnë. Nëse ai nuk ndryshon, prisni shumë gjëra kontroverse dhe kartonë të kuq, ashtu si problemet potenciale në zhveshtoren e Cityt.

Cilësitë taktike

Pozita e preferuar e Balotellit është sulmues i dytë, por ai ëishtë shumë fleksibil dhe ka aftësi taktike për të interpretuar shumë role. Këtu përfshihet loja si sulmues i parë, në të djathtë apo në të majtë të një treshi sulmues, si trikuartist, si anësor, apo madje edhe si mesfushor i krahut. Supertalenti është kuptues i mirë i lojës nga ana taktike, por nga e kaluara kemi parë se ai me qëllim mund të mos luajë mirë, nëse nuk është vënë në pozitën e preferuar. Balotelli shpeshherë e nervozonte Mourinhon, ashtu si Ferguson në ditët e para të Ronaldos te Unitedi.

Balotelli ka fituar më shumë tituj se sa Totti dhe Del Piero së bashku në moshën 19 vjeçare…

Qëndrueshmëria dhe ndeshjet e mëdha

Balotelli nuk ka frikë dhe nuk mund të lëkundet nga ndonjë mbrojtës apo ekip. Nëse jo diçka tjetër, ai shpeshherë është aq i entuziazmuar për ndeshjet e mëdha, sa që ka ndodhur që shpesh ai të ndëshkohet me kartonë të verdhë dhe të kuqë. Qëndrueshmëria mund të arrihet me përmirësim, por ai është i ri dhe kurrë nuk ka luajtur një ndeshje të plotë në sfidat e mëdha nën Jose Mourinhon në mënyrë që ta mbajë ritmin e tij.

Qëndrueshmëria e Ronaldos gjatë sezoneve të kampionateve është e lartë, por ai shpeshherë ka qenë i ngrirë dhe i humbur gjatë ndeshjeve të mëdha si për klubin ashtu dhe për kombëtaren. Kjo nuk pritet të ndodhë me Balotellin kur ai të zhvillohet, pasi ai nuk fshehet. Edhe Balotelli edhe Ronaldo posedojnë menalitet fituesi dhe ata kurrë nuk janë të kënaqur me vendin e dytë.

SuperMario i thotë Ronaldos, "Një ditë do të bëhem më i mirë se ti".

 

Ju lexues të nderuar, çfarë mendoni, a do të dështojë, apo do të shkëlqejë Mario Balotelli në Ligën Premier? Shprehuni në hapësirën për komente…