Ballkani është eliminuar nga Liga e Konferencës, pasi Larne triumfoi 3-1 në gjuajtjen e penalltive.
Fillimisht, ndeshjen më mirë e nisi kampioni i Kosovës, duke rrezikuar me anë të Queven në minutën e shtatë, por që goditja e tij u bllokua.
Larne rrezikoi me anë të Gallagher (12’), mirëpo goditja e tij përfundoi jashtë.
Kryeziu dhe Hamidi kishin raste të mira shënimi pas gjysmë ore lojë, ndërsa nuk ia dolën t’i konkretizonin me gol.
Ballkani kërkoi me ngulm golin e barazimit në këta 45 minutat e parë, dhe arriti ta thyente mbrojtjen vendase në minutën e 45-të.
Hamidi realizoi për 1-0 nga penalltia, duke i barazuar shifrat në 1-1, pasi kishin humbur me 1-0 në ndeshjen e parë.
Në 45 minutat e dytë, sërish kishte raste për të dyja anët, mirëpo nuk pati gola.
Iniciativën e patën vendasit, duke bërë disa gjuajtje, por Enea Koliçi ishte në nivelin e lartë të detyrës.
Adetunji i Ballkanit rrezikoi në minutën e 65-të, mirëpo portieri Ferguson i Larnes bëri një pritje fantastike.
Edhe Ismajlgeci testoi portierin e skuadrës nga Irlanda e Veriut, por që sërish pa sukses.
Kështu, ndeshja shkoi në vazhdime shkaku i rezultati të barabartë të përgjithshëm në 1-1.
As dy herë nga 15 minuta nuk arritën të përcaktonin fituesin, duke bërë që përballje të shkonte në gjuajtjen e penalltive, aty ku Ballkani u eliminua 3-1.
Kampioni i Kosovës shënoi vetëm një herë, duke humbur dy të tjera, për dallim nga Larne që realizoi katër sosh.
Gjuajtja e penalltive:
Larne: O, O, O, O.
Ballkani: X,X,O. /Telegrafi/