Gareth Bale ka shënuar një gol shumë të shpejtë me Real Madridin në Ligën e Kampionëve.
Sulmuesi uellsian realizoi pas 57 sekondave në barazimin e Real Madridit 3-3 tek Legia e Varshavës.
Goli i sulmuesit të ‘Los Blancos’, është më i shpejti këtë edicion por jo në histori të Ligës së Kampionëve.
Rekordin e mban sulmuesi holandez, Roy Makay që shënoi ndaj Real Madridit me fanellën e Bayernit pas vetëm 10.12 sekondave.
Në pozitën e dytë, ndodhet braziliani Jonas i cili sa ishte pjesë e Valencias mposhti Bayer Leverkusenin në vitin 2011 pas vetëm 10,96 sekondave.
Ndërkohë në pozitën e tretë është një tjetër brazilian dhe ai është ish-mesfushori Gilberto Silva që realizoi për Arsenalin pas 20.07 sekondave në fitoren 0-4 ndaj PSV Eindhoven.
Pozita e katërt i takon legjendës italiane Alessandro Del Piero që në vitin 1997 shënoi pas 20.12 sekondave ndaj Manchester United.
Ndërsa top pesë pozitat e para i përmbyllë Clarence Seedorf që shënoi në barazimin e Milanit me Schalken në vitin 2005 pas 21,06 sekondave. /Telegrafi/
