Gareth Bale ka thënë se ndihma që i dha Uellsit për ta mposhtur Belgjikën “është ndjenjë e pabesueshme”.
Ylli i Real Madridit me përfaqësuesen e tij sonte mposhti belgët me rezultat 3 me 1 për të kaluar në gjysmëfinale, ku po e pret Cristiano Ronaldo me Portugalinë.
Bale ka thënë se Uellsi e ka merituar të jetë në gjysmëfinale dhe tashmë ka filluar përgatitjet për përballjen me bashkëlojtarin e tij te Reali.
“Ne luftuam shumë. Mbuluam çdo cep të fushës. Mendoj se e merituam të jemi në gjysmëfinale. Ne besojmë dhe e dimë se çfarë po bëjmë”, ka thënë Bale për BBC, transmeton koha.net.
“Është ndjenjë e pabesueshme. Ne thamë se do të japim çdo gjë për të kaluar tutje. Po e shijojmë këtë rrugëtim dhe shkojmë në gjysmëfinale me besim”.