Ekipi shqiptar Bad News Eagles do ta zhvillojë sot (e enjte) ndeshjen e parë në kuadër të turneut Blast Premier Spring Showdown Europe, kundër ekipit suedez NiP.
Në këtë turne, ekipi shqiptar dhe shtatë ekipe tjera do të garojnë për një grup çmimesh rreth 65.000 dollarë.
Fituesi i këtij turneu, i cili mbahet online, do të bashkohet me ekipet më të mira të botës për turneun Blast Premier Spring Final ku shpërndahen çmime në vlera 425.000 dollarë.
Ekipi shqiptar ndeshjen kundër ekipit NiP do ta zhvillojë sot (e enjte) duke filluar nga ora 19:30, në formatin ‘Bo3’, ekipi fitues vazhdon tutje për në gjysmëfinale, ndërsa ekipi humbës eliminohet nga turneu.
More action on the way🔥.
Tonight we will be playing against @NIPCS on @BLASTPremier Spring Showdown.
🕢19:30 CET
🗺️Bo3
📺https://t.co/3WHD18B0gS 🇬🇧
📺https://t.co/KVcf1eFy0P 🇦🇱#bNE🦅 pic.twitter.com/d3zJN6Fql4— GUILD EAGLES (@_badnewseagles) April 28, 2022
Një përballje me këtë ekip, Bad News Eagles e pati në turneun kualifikues për Major në formatin ‘Bo1’, ku kishin pësuar humbje me rezultat 16:11.
Në rast fitore, ekipi Bad News Eagles do të zhvillojë ndeshje tjetër ditën e shtunë, kundër fituesit të ndeshjes Astralis – Movistar Riders.
Ndeshjen Bad News Eagles kundër NiP mund ta ndiqni nga ora 19:30 në kanalin e streamerit shqiptar, Ernest “xhocii” Xhoci.
Kanali ku mund ta ndiqni ndeshjen me komentim shqip: twitch.tv/xhocii
/Telegrafi/