Një tjetër finale do të zhvillohet ndërmjet ekipit shqiptar Bad News Eagles dhe ekipit Aurora.
Kanë mbetur edhe shumë pak minuta deri në fillimin e ndeshjes Bad News Eagles dhe Aurora, e cila do të zhvillohet në formatin ‘Bo3’.
Fituesi i kësaj ndeshje do ta siguroj çmimin e vendit të parë prej 22.000 dollarësh.
Kjo është hera e dytë që këto dy skuadra takohen në finale të turneve CCT South Europe, pasi në serinë e dytë ekipi Aurora arriti që të shpallej kampion pas fitores 2-1 ndaj ekipit shqiptar.
Nuk mund të thuhet nëse ndonjëra nga ekipet është favorite për ta fituar turneun, pasi të dyja janë shumë afër me renditje në ranglistën botërore të CS:GO.
Bad News Eagles renditet në vendin e 21 –të, ndërsa ekipi Aurora renditet në vendin e 26 –të.
Ndeshja finale ndërmjet Bad News Eagles dhe Aurora do të zhvillohet sot (e hënë) duke filluar nga ora 20:00, dhe do të transmetohet në platformën Gjirafavideo me komentim në shqip. /Telegrafi/