Ekipi shqiptar është afër një finaleje tjetër të CS:GO, pasi do të luajnë në gjysmëfinale të turneut CCT South Europe ndaj ekipit Copenhagen Flames.
Bad News Eagles do të kenë mundësin të hakmerren ndaj ekipit Copenhagen Flames, pasi së fundmi kishin pësuar humbje nga ta në turneun BetBoom.
Ndeshja ndërmjet dy ekipeve do të zhvillohet nesër (e martë) duke filluar nga ora 12:30, në formatin ‘Bo3’.
Favorit i kësaj ndeshje është ekipi shqiptar pasi janë të renditur më lart në ranglistën botërore të CS:GO.
Bad News Eagles renditen në vendin e 21 –të, ndërsa ekipi kundërshtar Copenhagen Flames mbajnë vendin e 35 –të.
Kjo ndeshje do të transmetohet në platformën Gjirafavideo, me komentim në shqip. /Telegrafi/