Ekipi shqiptar Bad News Eagles do të garojnë në turneun BetBoom Playlist Urbanistic së bashku me 21 skuadra tjera të ftuara.
Turneu Betboom Playlist Urbanistic tashmë ka filluar, ku 22 skuadra do të garojnë për një grup çmimesh prej 300.000 dollarësh.
Pjesë e këtij turneu është edhe ekipi shqiptar Bad News Eagles të cilët ndeshjen e parë do ta zhvillojnë ndaj ekipit ATK me datën 1 mars.
Ky turne do të zhvillohet online dhe do të ketë tre faza: faza kryesore, faza e play-in dhe play-off.
Bad News Eagles janë skuadra me renditjen më të lartë në pjesëmarrje, të cilët sapo kanë përfunduar garën në vendin e dytë në finalet e CCT Europe Central Malta.
Ky turne do ta ndihmoj ekipin shqiptar për t’u përgatitur për Majorin e madh të Parisit, që do të zhvillohet në Prill. /Telegrafi/