Ekipi shqiptar ka mposhtur ekipin 1WIN për të siguruar fitoren e parë në turneun kualifikues ESL Challenger League.
Pas humbjes nga ekipi PALOMA në ndeshjen e parë, Bad News Eagles është kthyer me fitore duke mposhtur 1WIN me rezultat të përgjithshëm 2-1 me mapa.
Në mapin e zgjedhur nga ta ‘Mirage’ ekipi shqiptar fitoi me rezultat 16-12, në të dytin ‘Vertigo’ u mposhtën në vazhdime me rezultat 19-17, ndërsa në mapin e tretë ‘Ancient’ fituan në vazhdime me rezultat 19-16.
Me këtë fitore të siguruar, Bad News Eagles ka kaluar në raundin e dytë të ‘Lower Bracket’ dhe e pret njërën nga këto ekipe; Sangal, Spirit apo HEET.
Në këtë turne Bad News Eagles është duke garuar për t’u kualifikuar në ligën tjetër ESL Pro League ku bëjnë pjesë shumë ekipe të mëdha botërore, si dhe një grup çmimesh prej 50.000 dollarësh.
/Telegrafi/