Ekipi shqiptar ka shënuar fitoren e dytë radhazi në turneun CCT South Europe Series 3 për të kaluar në gjysmëfinale.
Bad News Eagles fituan me rezultat të përgjithshëm 2-0 me mapa ndaj ekipit HONORIS, ku luan edhe legjendari TaZ.
Përsëri lojtari më i dalluar i ndeshjes ishte kapiteni shqiptar Dionis ‘sinnopsyy’ Budeci me 60 eliminime dhe vlerësimin nga HLTV 1.69.
Aksionet e shumta nga Dionisi në mapin e parë ‘Mirage’ ja lehtësuan rrugën drejt fitores ekipit të tij.
Ai fitoi dy raunde të rëndësishme radhazi i vetëm, një kundër tre dhe një kundër katër, duke dëshmuar se po kalon një formë fantastike.
Pas kësaj fitoreje ekipi Bad News Eagles ka kaluar në gjysmëfinale të turneut CCT South Europe ku do të përballen me ekipin Copenhagen Flames. /Telegrafi/