Babylon’s Fall do të publikohet nga kompania japoneze e video-lojërave. Square Enix, me 3 mars të këtij viti.
Është një lojë me role aksion(RPG), video e luajtur nga një perspektivë e personit të tretë, e cila është duke u zhvilluar nga kompania e video-lojërave, PlatinumGames dhe do të publikohet nga Square Enix.
Në Babylon’s Fall, lojtarët marrin kontrollin e një luftëtari Sentinel duke u ngjitur në Kullën e Babelit.
Falë veçorisë së bashkëpunimit të lojës, deri në tre lojtarë mund të bashkohen në kërkimet për të zbuluar thesaret fantastike të kullës dhe për të eliminuar armiqtë gjatë rrugës.
Data e lansimit për Babylon’s Fall është 3 mars 2022 dhe loja është planifikuar të dalë në platformat PlayStation 4, PlayStation 5 dhe Windows PC.
Babylon’s Fall është i disponueshëm për porosi paraprake në platformën STEAM dhe versioni demo është i disponueshëm falas që nga 25 shkurti, duke i lejuar lojtarët të eksplorojnë sezonin e parë, “Eternal Tower”.
Në vijim janë specifikat minimale që kërkohen për ta luajtur lojën në PC (kompjuter personal):
Kërkon një procesor 64-bit dhe OS
OS: Windows 10 (64-bit)
Procesori: Intel Core i5-7600K / i5-10400F / AMD Ryzen 3 PRO 3200G / 5 3500
RAM Memorie: 8 GB
Grafika: NVIDIA Geforce GTX1650 / GTX1060 6 GB / AMD Radeon RX580
DirectX: Versioni 11
Hapësirë ruajtëse: 20 GB hapësirë të lirë
/Telegrafi/