Babai dhe menaxheri i sulmuesit të Borusia Dortmundit, Erling Haaland, Alf-Inge Haaland ka thumbuar skuadrën e Paris Saint-Germain pas kualifikimit të tyre në çerekfinale të Ligës së Kampioneve.
PSG ka arritur të mposht Dortmundin në ndeshjen kthyese në Paris, duke i eliminuar kështu nga gara kryesore e klubeve në Evropë.
Megjithatë, përveç eliminimit, Neymar dhe lojtarët e PSG-së patën disa personale me sulmuesin e talentuar norvegjez, Haaland.
Sulmuesi brazilian pas golit të shënuar festoi duke imituar festimin e Haalandit, ndërsa festa e njëjtë vazhdoi edhe pas ndeshjes dhe në zhveshtore pas ndeshjes.
Kjo nuk i ka pëlqyer aspak babait të sulmuesit norvegjez, i cili ka vendosur t’i thumboj me anë të një postimi në rrjetet sociale.
Në një postim në Twitter, Alf Haaland u kërkoi lojtarëve të skuadrës franceze “të tregojnë klas brenda dhe jashtë fushe”.
“Mirupafshim, Paris i bukur. Keqardhje për rezultatin, por ishte i merituar”.
“Gjithë të mirat, tregoni klas brenda dhe jashtë fushe!”, ka shkruar Alf Haland në Twitter.
Ndryshe, sjellja e lojtarëve të PSG-së pas fitores kundër Dortmundit është kritikuar nga shumë tifozë në rrjetet sociale. /Telegrafi/
Goodbye beautiful Paris. Shame about the result, but well deserved on the day. All the best, showing class on and off the pitch. #PSGBVB https://t.co/g7fzmNiX9I
— Alfie Haaland (@alfiehaaland) March 12, 2020