Ky është momenti rrëqethës kur një avokat ekzekutohet në mënyrën më brutale para zyrës së tij në Brazil.
Kamerat e sigurisë shfaqin Rodrigo Crespon, 42-vjeç, duke ecur drejt zyrës së tij në Rio de Janerio për t’u takuar me nipin, kur një person i armatosur i afrohet nga pas dhe e qëllon me revole, transmeton Telegrafi.
Vrasësi shihet duke dalë nga një veturë e bardhë dhe i afrohet Crespos nga pas – duke shtënë mbi të disa herë.
Kalimtarë të shumtë të rastit fillojnë të vrapojnë për t’i shpëtuar më të keqes, pasi të shtënat mbi avokatin patën rastin t’i shohin.
Vrasësi futet sërish në veturën nga e cila doli dhe u largohet me shpejtësi nga vendi i ngjarjes.
Një video tjetër amatore shfaq mjekët që mundohen ta ndihmojnë Crespon, i cili është shpallur i vdekur në vendin e ngjarjes.
Sipas dëshmitarëve, njëri nga të dyshuarit e kishte thirrur Crespon në emër para se ta qëllonte për vdekje.
Autoritet e sigurisë kanë njoftuar se në vendin ku është kryer krimi, janë gjetur 11 gëzhoja të plumba të kalibrit 9 milimetra. /Telegrafi/
