Gazeta italiane La Stampa raporton se blerja e Interit nga Erick Thohir në vitin 2013 po hetohet gjithashtu nga policia financiare e Italisë.
Ka pasur thashetheme për një hetim te Milani, me akuza se ish-pronari Silvio Berlusconi shfrytëzoi shitjen e klubit te Yonghong Li për të sjellë para të paligjshme në vend.
Ky pohim është mohuar nga të dyja palët, dhe nuk janë ngritur akuza ndaj tyre.
Tani gazeta La Stampa raporton se edhe Nerazzurët janë nën hetim, në lidhje me marrjen e klubit nga indoneziani Erick Thohir në vitin 2013.
Biznesmeni indonezian bleu 70 për qind të klubit nga Massimo Moratti, përpara se të shiste aksionet e tij te Suning Group dhe të blejë ato të Morattit, kështu që ai tani mban 30 për qind të aksioneve.
Sipas gazetës, Guardia di Finanza po heton origjinën prej 79 milionë eurosh e cila u përdor për të përfunduar blerjen e vitit 2013.
Dyshimi është se dokumentacioni që lidhet me paratë ka kaluar nëpër një rrugë që është e paqartë për hetuesit.
Si i tillë ata po shohin mbi letrat e transaksionit dhe po flasin me njerëzit që luajtën një rol të drejtpërdrejtë në transaksion pesë vjet më parë.
Thohir pritet të shesë aksionet e tij të mbetura në muajt e ardhshëm dhe besohet se ai ka bërë një fitim të rëndësishëm në investimin e tij fillestar.
Ish-pronari nuk është akuzuar për ndonjë krim në lidhje me këtë hetim të raportuar. /Telegrafi/