Atletico përmbyset dhe mbetet prapa (Video)

Atletico Madridi ka pësuar humbje prej 2-1 në udhëtim te Sporting Gijoni.

Mysafirët shënuan të parët, edhe atë në fraksionin e parë të lojës, parmes Antoine Griezmann nga gjuajtja e lirë (29’).

Rezultati u barazua në gjysmën e dytë, ndërsa Antonio Sanabria ishte golashënues (79’).

Nikoqirët ia dolën që ta përmbysnin rezultatin dhe ta fitonin ndeshjen me golin e Carlos Castro (89’).

Aktualisht, Atletico Madridi është tetë pikë prapa Barcelonës, por katalunasit nuk e kanë zhvilluar ndeshjen e kësaj jave (ndaj Villarrealit). /Telegrafi/