Atletico Madridi ka regjistruar fitore prej 2-1 përballë Real Sociedadit për të arkëtuar pikë të plota në garën për titullin e La Ligas.
Në ndeshjen e zhvilluar në Estadio Wanda Metropolitano, Los Rojiblancos e kryen punën e nevojshme për të rrugëtuar drejt shpalljes kampion të Spanjës.
Vendasit e nisën sfidën në kërkim të golit dhe e zhbllokuan rezultatin në minutën e 16-të përmes Yannick Carrasco, i cili u asistua nga Marcos Llorente.
Shumë shpejt, nikoqirët e dyfishuan epërsinë me golin e Angel Correa (28’) që shënoi falë asistimit nga Luis Suarez.
Në pjesën e dytë, mysafirët e bënë më dramatik fundit duke e ngushtuar rezultatin përmes Igor Zubeldia. Megjithatë, vendasit nuk lejuan befasi deri në fund dhe e ruajtën avantazhin.
Pas kësaj fitoreje, Atletico Madridi ka katër pikë më shumë se Barcelona që ndodhet në vend të dytë dhe pesë më shumë se Real Madridi (që nuk e ka zhvilluar ndeshjen e kësaj xhiroje). Ndërsa kanë mbetur vetëm edhe dy xhiro (gjashtë pikë) deri në fund.
Në ndërkohë, Real Sociedadi do të mbetet në zonën e Ligës së Evropës edhe pas zhvillimit të sfidave tjera nga skuadrat që ndodhen poshtë tyre. /Telegrafi/
Atleti players alternate roles on this.
Interior midfielders take the job whilst Suarez/Correa drop deeper. It's almost like shift-patterns, & caused havoc for La Real tonight.
This must be a tactic brought to the club by Suarez. He's done it for years.pic.twitter.com/PkLZAQrF6y
— Alex Clapham (@alexclapham) May 12, 2021