Atletico Madridi nuk e lëshon top katërshen, fiton duelin direkt me Betisin

Atletico Madridi ka triumfuar ndaj Real Betisit me rezultat 3-1 në kuadër të javës së 27-të në La Liga.

Pas vetëm dy minutash lojë, Los Cholchoneros kaluan në epërsi me golin e Joao Feliz që u asistua prej Angel Correas.

Por, Betisi nuk u dorëzua dhe ia doli t’i barazonte shifrat me anë të Cristian Tellos (45+5), e që u asistua prej Sabaly.

Por, Atletico në pjesën e dytë ishte edhe më i frikshëm, duke shënuar edhe dy gola të tjerë.

Në minutën e 61-të, Felix ia doli të shënonte golin e dytë personal dhe të dytin për ekipin e tij me një asistim të Marco Llorentes.

Për të vulosur fitoren e Atleticos u përkujdes Thomas Lemar që realizoi për 3-1 në minutën e 80-të me një asistim të Antoine Griezmann.

Pas javës së 27-të, Atletico Madridi gjendet në vendin e katërt me 48 pikë, aq sa ka edhe Barcelona në të tretin. /Telegrafi/