Sulmuesi francez, Antoine Griezmann duket se do të largohet nga Atletico Madrid.
Ylli i ‘Los Colchoneros’, po kërkohet nga skuadra të mëdha si Barcelona, Chelsea, Manchester United e Bayern Munich.
E nga shitja e tij Atletico Madrid po mendon të fitojë mbi 100 milionë euro.
Por sipas të përditshmes spanjolle ‘AS’, Atletico Madrid tanimë ka gjetur zëvendësuesin e Griezmannit.
Fjala është për sulmuesin e Lyonit, Mariano Diaz i cili ka shkëlqyer në Ligue 1.
Ish-anëtari i Real Madrid ka pasur paraqitje të jashtëzakonshme me Lyonin duke shënuar 16 gola në të gjitha garat dhe duke asistuar në gjashtë të tjerë.
24-vjeçari mund të rikthehet në La Liga pasi Atletico Madrid është e gatshme të paguajë rreth 45 milionë euro për të.
Lyon pagoi vetëm tetë milionë euro për transferimin e tij, ndërsa lojtari kishte nënshkruar kontratë deri në vitin 2022.
Gjithsesi Atletico nuk do ta ketë të lehtë transferimin e lojtarit pasi ai po kërkohet edhe nga Borussia Dortmund dhe Liverpool. /Telegrafi/