Sulmuesi i Përfaqësueses së Kosovës, Atdhe Nuhiu, ka gjetur golin në ndeshjen e Sheffield Wednesday në udhëtim te Charltoni.
Sheffield Wednesday ka shënuar fitore të madhe në udhëtim te Charltoni me rezultat 3-1 në ndeshjen e vlefshme për javën e 19-të në Championship.
Njëri nga lojtarët kryesor në këtë fitore të mysafirëve ishte sulmuesi i Kosovës, Atdhe Nuhiu.
Nuhiu luajti si titullar në këtë ndeshje dhe arriti ta shpërblej trajnerin e tij, i cili pati një besim të madh tek shtatlarti i Kosovës.
Sulmuesi i Dardanëve shfrytëzoi për mrekulli një harkim të mirë në minutat shtesë duke shënuar me kokë për 3-1 dhe duke vulosur rezultatin përfundimtar.
The big man seals the points! #swfcLIVE pic.twitter.com/jn2bWw4b3v
— Sheffield Wednesday (@swfc) November 30, 2019
Ky ishte goli i dytë i Nuhiut këtë sezon në Championship, teksa ka edhe një asistim.
30-vjeçari shënoi gol edhe në ndeshjen eliminatore të Kosovës në humbjen 2-1 në udhëtim te Çekia. /Telegrafi/
3-1 NUHIU #WAWAW #SWFC pic.twitter.com/b24M5uWGHZ
— WAWAW76 (@ndunne76) November 30, 2019