Ipswich Town ka barazuar në ndeshjen e radhës në kuadër të Championship.
Sulmuesi i përfaqësueses së Kosovës, Atdhe Nuhiu ka realizuar gol në derbin ku luajnë futbollistët tonë.
Në fakt, shtatgjati ka shënuar në barazimin 2:2 ndaj skuadrës së mesfushorit me tipare sulmuese, Bersant Celinës.
Nuhiu tre minuta para përfundimit të takimit është futur në takim, por ka arritur që të jetë vendimtar në ndeshje.
Lojtari ynë kur pritej të përfundonte ndeshja ka shënuar gol në sekondat e fundit të takimit, 90+3.
Theksojmë se për Ipswich gjatë gjithë lojës ka luajtur edhe prizrenasi, Celina, i cili nuk arriti të shënonte e as asistonte. /Telegrafi/