Sulmuesi i Përfaqësueses së Kosovës, Atdhe Nuhiu ka vazhduar me suksese në Angli.
Reprezentuesi kosovar që aktivizohet në Championshipin anglez tek Sheffield Wednesday është shpallur lojtari i muajit në klubin e tij.
Në një sondazh nga klubi i tij, Nuhiu ka marrë shumicën e votave nga tifozët bardh e kaltër.
Tifozët e klubit anglez kishin shpërndarë 85% të votave për shtatlartin nga Presheva.
“Dua ta falënderojë secilin person përzermërisht që votuan për mua”.
“Jam këtu tash e një kohë të gjatë dhe mendoj se tifozët e dinë më së miri se çfarë do të thotë ky klub për mua”, u shpreh Nuhiu për faqen e klubit.
Nuhiu ka thënë se ky çmim ka vlerë të madhe shumë për të.
“Ky çmim ka vlerë të madhe për mua pasi jam rikthyer pas një kohe të gjatë dhe kam pasur paraqitje të mira”, përfundoi Nuhiu.
Nuhiu këtë edicion me fanellën e Sheffield Wednesday ka arritur të shënoj 10 gola në të gjitha garat. /Telegrafi/