Të paktën 16 persona, përfshirë fëmijë janë vrarë pasi një rrëshqitje dheu përfshiu një kamp pushimi në shtetin Selangor të Malajzisë, thonë zyrtarët.
Sipas mediave të huaja, përcjell Telegrafi, familjet po flinin në çadrat e tyre kur një rrëshqitje dheu ndodhi rreth orës 03:00 të së premtes në një fermë në qytezën Batang Kali.
Qindra shpëtues e kaluan të premten duke gërmuar nëpër baltë për të gjetur ndonjë të mbijetuar.
BATANG KALI, 16 Disember- Pengarah JBPM Selangor, Datuk Norazam Khamis memaklumkan operasi SAR bagi mangsa yang masih tertimbus akan diteruskan selama 24 jam dengan tumpuan diberikan kepada sektor B dan C.https://t.co/0nTqVvIZdn
'Yang sahih di Berita RTM'#RTM #BeritaRTM pic.twitter.com/tAjZcqOdNC
— Berita RTM (@beritartm) December 16, 2022
Rrëshqitja e dheut filloi në një shpat më shumë se 30 metra më të lartë se kampingu dhe u rrokullis nëpër një hektar tokë.
Deri të premten pasdite, autoritetet kishin shpëtuar më shumë se 60 njerëz, por 17 ishin ende të zhdukur, thanë ata.
Mediat lokale raportuan se të paktën një fëmijë, një djalë 5-vjeçar, kishte vdekur.
Teh Lynn Xuan tha se ajo dhe nëna e saj kishin mbijetuar, por vëllai i saj kishte vdekur dhe një vëlla tjetër ishte dërguar në spital me plagë.
Ajo kishte qenë në kamping me një grup të madh prej më shumë se 40 personash, tha ajo.
Një tjetër i mbijetuar, Leong Jim Meng, tha se dëgjoi një shpërthim përpara se toka të fillonte “të lëvizte”. /Telegrafi/