Ekipet Astralis dhe sYnck kanë dalë fitimtarë nga kualifikimi i parë i hapur IEM Dallas për të fituar vende në fazën e mbyllur, ku do të ofrohen dy vende në turneun kryesor.
Të dy skuadrat do të bashkohen me skuadrat e ftuara fnatic, Cloud9, OG dhe Spirit në kualifikueset e mbyllura që do të mbahen duke filluar nga data 31 mars.
Surpriza e këtij turneu kualifikues ishte skuadra estoneze sYnck, të cilët mposhtën disa skuadra favorite gjatë këtij turneu kualifikues.
Në anën tjetër Astralis janë kualifikuar tutje pas një forme jo të mirë, pasi së fundmi përfunduan garën në ESL Pro League në vendin 17-20.
Ndërkaq emra të mëdhenj që dështuan të kalonin tutje në këtë turne kualifikues ishin, NIP, 9Pandas, BIG, HEET e më shumë.
Dy skuadra tjera do të kualifikohen tutje në kualifikueset e mbyllura për IEM Dallas nga turneu kualifikues që do të mbahet me datën 27 mars. /Telegrafi/