Shkollat në mbarë Indinë janë mbyllur për më shumë se një vit, në tentim që të frenojnë përhapjen e mëtejme të coronavirusit.
Fëmijët në zonat e varfra rurale nuk kanë qasje në internet, pa laptopë dhe telefona mobil, e kjo e ka vështirësuar ndjekjen e mësimit online, transmeton Telegrafi.
Por një arsimtar në një fshat në pjesën perëndimore të Bengalit nuk lejoi se kjo ta dekurajon – përkundrazi.
Në vend se të dëshpërohej dhe ankohej, Dvipnarajan Naik vendosi të jap mësim në një “shkollë të hapur” në rrugë.
Naik i ka lyer shtëpitë që muret e tyre t’i shërbejnë si tabela, bleu laptopë dhe mikroskopë për fëmijë me qëllim që të mund të vazhdojnë shkollimin.
“Të gjithë fëmijët po i mësojmë… po respektojnë distancën, bartin maska dhe higjiena është në nivel”, ka thënë Naik.
“Për shkak të mbylljes, arsimimi i fëmijëve ngeci, por erdhi arsimtari dhe filloi t’i mësojë”, ka thënë një prej nënave të fëmijëve. /Telegrafi/
