Një tjetër arritje për Kosovën, sa i përket lojërave kompjuterike.
Vendi ynë ka më së shumti lojtarë në nivelin 10 të FACEIT në lojën e Counter-Strike 2 në Ballkanin Perëndimor.
Këtë e ka konfirmuar Besnik Thaqi nga XPortal Esports në ngjarjen e organizuar nga Hapite Space për industrinë gaming dhe eSports në Kosovë.
FACEIT është një platformë që mundëson ndeshjet e lojërave të ndryshme si League of Legends, Rocket League, Rainbow Six Siege, Dota 2, Team Fortress 2 por më e njohura është ajo e Counter-Strike 2.
Platforma e FACEIT u mundëson lojtarëve të luajnë ndeshje në serverë privatë për një përvojë më të mirë ku përfshin sistemin e vet të renditjes me nivele nga 1-10.
Renditja e vendeve të Ballkanit Perëndimor me më së shumti lojtarë në FACEIT në nivel 10 CS2:
Kosova 930, Serbia 830, Shqipëria 435, Maqedonia e Veriut 297, Bosnja e Hercegovina 291, Kroacia 191, Mali i Zi 136. /Telegrafi/