Portieri kosovar i Ipswich Town, Arijanet Muric ka zënë vend përsëri në formacionin më të mirë të javës në Ligën Premier.
Ipsëich Town ka marrë një fitore të madhe 2-1 në udhëtim te Wolverhampton Wanderers në kuadër të ndeshjes së vlefshme për javën e 16-të.
Përveç golashënuesve të dy golave, njëri nga më meritorët ose më meritori në këtë fitore të mysafirëve ishte portieri i Dardanëve, Aro Muric.
Muric pati një paraqitje brilante në këtë ndeshje, duke bërë pesë pritje vendimtare dhe duke u notuar me 8.3.
Vlerësimi i tij i lartë bëri që Muric të përfundoj në formacionin më të mirë të javës në faqen e specializuar të statistikave SofaScore.
Pjesë e formacionit më të mirë të javës në Ligën Premier, përveç Muricit, ishin edhe yje tjerë si Gabriel Magalhaes, James Maddison, Heung min Son dhe Alexander Isak.
Formacioni i javës në Ligën Premier
/Telegrafi/