Armando Broja ka kompletuar huazimin te Southampton dy javë më parë nga gjiganti anglez Chelsea.
Por edhe pse pritjet ishin të mëdha, lojtari nuk u paraqit fare në ndeshjen e parë të Ligës Premier ndaj Evertonit.
Të njëjtin fat mbrojtësi shqiptar do ta ketë edhe ndaj Manchester Unitedit, ku nuk është ftuar fare për këtë takim.
Trajneri i Southampton, Ralph Hasenhuttl ka shpjeguar edhe arsyen pse nuk e ka marrë Brojën për takim ndaj Djajve të Kuq.
Austriaku ka deklaruar se Brojës i duhet kohë për tu ambientuar dhe të përshtatet me stilin e lojës që aplikon kjo skuadër.
‘’Kur erdhi javën e kaluar vumë re se i duhej pak kohë të ambientohej në skuadër dhe të përshtatej me stilin e lojës që ne luajmë. Ky presion për të, është pak më i madh se i Adam, por t’i japim kohën e tij. Është një lojtar i ri dhe ka cilësi që na duhen’’, deklaroi Hasenhuttl.
Southampton sot do të takohet me Manchester United me fillim nga ora 15:00.
Debutimi i sulmuesit shqiptar me klubin e ri pritet të ndodhë më 25 gusht në ndeshjen e EFL Cup, ku Southampton do të luaj në udhëtim te Newport. /Telegrafi/