Një ari i zi rreth 200 kilogramësh është filmuar duke sulmuar trajnerin e tij gjatë një shfaqjeje cirku në Kinë pasi burri dyshohet se ndaloi kafshën të hante ushqime të hedhura nga publiku.
Sipas mediave të huaja, përcjell Telegrafi, pamjet e tmerrshme tregojnë kafshën gjigante duke kafshuar dhe sulmuar “zbutësin” ndërsa stafi tjetër goditi në mënyrë të përsëritur kafshën me shkopinj, duke e detyruar atë të linte kolegun e tyre.
Për fat të mirë, trajneri i kafshëve mbijetoi pa dëmtime të rënda pasi ariut iu janë hequr dhëmbët që kur ishte një këlysh për të parandaluar dëmtimin e njerëzve, raportuan mediat kineze.
Ngjarja thuhet të ketë ndodhur gjatë një shfaqje cirku të premten në Puyang, provinca Henan e Kinës qendrore.
Ariu i zi nisi sulmin pasi u godit nga zbutësi i tij i cili e pengoi atë të ‘hante ushqimet’, tha një dëshmitar.
‘Një djalë hodhi një suxhuk [në skenë]. Ariu donte ta hante dhe zbutësi nuk e lejonte sepse po performonte’. /Telegrafi/
