Në sallonin e tij në Heat, Nader Shah, ishte mësuar me prerjen e flokëve të rinjve afganë, kryesisht frizura të stilit ushtarak (të shkurtra), por kjo ka ndryshuar me ardhjen e talebanëve në pushtet.
Lëvizje islamike ka marrë pushtetin nga gushti, e prej atëherë afganët po shpenzojnë pak në prerjen e flokëve nga frika se mund të dënohen për shkak të frizurave moderne, transmeton Telegrafi.
“Klientit e mi kërkonin frizura të ndryshme, por më nuk është ashtu”, ka thënë 24-vjeçari në sallonin e tij në qytetin e tretë për nga madhësia në Afganistan.
Gjatë regjimit të kaluar të talebanëve, nga 1996 deri më 2001, kjo lëvizje “ndalonte frizurat ekstravagante”, duke këmbëngulur se meshkujt duhet të kenë mjekër.
E pas rrëzimit të tyre nga pushtetit, të jesh i rruar nënkuptonte të jesh modern – madje edhe në Herat të Afganistanit.
“Njerëzit tani vijnë dhe kërkojnë frizura të thjeshta”, ka thënë Shah duke shtuar se “tani njerëzit nuk i rruajnë mjekrat, e ky është një problem për të”.
Shah filloi profesionin e berberit qysh kur ishte 15-vjeçar, e para ardhjes së talebanëve fitonte 15 dollarë ku kjo shumë tani ka rënë nga 5 deri në 7.
E në një qytet tjetër afgan, 32-vjeçari Muhamed Jusefi ka thënë se është detyruar të ulë çmimet me qëllim që lokal i tij të mbetet i hapur – me gjashtë dollarë për një frizurë sa e kishte pasur më parë – tani në një.
“Për shkak të situatës me talebanët, klientët çdo ditë e më pak na vizitojnë e paguajnë. Që kur talebanët morën nën kontroll vendin, qytetarët befasisht duan të ngjajnë me ta”, ka shtuar Jusefi. /Telegrafi/