Ky është momenti kur anijet e rojeve bregdetare kineze dhe filipinase përplasen në ‘atakun’ e fundit për ujërat e diskutueshme – pasi të dy vendet fajësojnë njëra-tjetrën për përplasjen në oqean.
Roja bregdetare kineze goditi anijen filipinase, pasi ata pretenduan se manovruan dhe ‘u përplasën qëllimisht’ me anijen e tyre ‘në një mënyrë joprofesionale dhe të rrezikshme’, transmeton Telegrafi.
Por zyrtarët filipinas në Manila thanë se anija e tyre e rojeve bregdetare BRP Teresa Magbanua – që u godit tre herë nga anija kineze e rojeve bregdetare pavarësisht se nuk provokuan – duke i shkaktuar dëme anijes filipinase.
Incidenti është konfrontimi i dytë brenda disa ditësh pranë Sabina Shoal, rreth 85 milje në perëndim të provincës Filipine të Palawan, në zonën ekonomike ekskluzive të Filipineve të njohur ndërkombëtarisht.
Anija filipinase, Magbanua, është ankoruar në Sabina që nga mesi i prillit pasi Manila dyshoi se Kina mund të ndërtonte një strukturë për të kapur ishullin e pabanuar. /Telegrafi/
