Kombëtarja angleze ka publikuar listën për dy ndeshjet e ardhshme kualifikuese.
‘Tre Luanët’ do të luajnë këtë muaj dy ndeshje, ku njëra do të jetë miqësore dhe tjetra e vlefshme për kualifikueset e Kupës së Botës ‘Rusi 2018’.
Fillimisht do të jetë ndeshje miqësore ndaj Kombëtares së Gjermanisë, e cila do të luhet me 22 mars në Dortmund, ndërsa katër ditë më vonë do të jetë ndeshja kualifikuese ndaj Lituanisë, ndeshje kjo që do të zhvillohet në Wembley.
Michail Antonio, Michael Keane dhe Jake Livermore, të gjithë janë ftuar përsëri për skuadrën e Anglisë, ndërsa dyshja e Southamptonit, Nathan Redmond dhe James Ward-Prowse janë thirrur për herë të parë.
Befasia e listës është ftesa e sulmuesit 34-vjeçar i Sunderlandit, Jemain Defoe, i cili vjen si zëvendësues e Harry Kane të lënduar.
Kjo ftesë e Defoes nga kombëtarja vjen pas katër viteve, megjithatë, kjo justifikohet pasi sulmuesi deri më tani po përjeton super-formë, ku në këtë sezon deri më tani ka shënuar 14 gola. /Telegrafi/
Here it is – the #ThreeLions squad for this month's games against ?? and ??! pic.twitter.com/CpSFOmRwyQ
— England (@England) March 16, 2017