Carlo Ancelotti e ka konfirmuar se nuk do ta marr drejtimin e Italisë, ndërsa është në kërkim të një klubi.
Ish trajneri i Milanit dhe Real Madridit, ka qeni lidhur me marrjen e detyrës në krye të Kombëtares së Italisë, pas largimit të Giampiero Venturas.
“Përgjigja ime është: FIGC, me ndihmën e CONI, duhet të krijojë një strukturë të re”.
“Pas kësaj do të marr një vendim. Qëndroj me idenë time, qëllimi im është ta drejtoj një klub”.
“Cilin klub? Nuk e di ende, emrat e mëdhenj janë të zënë, duhet të presim edhe disa muaj. Tani kthehet edhe Liga e Kampionëve, dhe rregulli në këtë garë nuk ka ndryshuar, vetëm një ekip mund ta fitojë”, ka thënë Ancelotti.
Ancelotti në të kaluarën ka thënë se dëshiron të drejtojë përsëri një klub në Ligën Premier.
Ai është larguar këtë sezon nga Bayern Munich pas rezultateve të dobëta. /Telegrafi/