Site icon Telegrafi

Analisti i njohur Launders ka folur rreth skenës profesionale të CS:GO

Mohan “Launders” Govindasamy, komentues dhe analist i CS:GO ka treguar se nuk është i kënaqur me konkurrencën e ekipeve këtë vit.

Ndryshe nga vitet e mëparshme, nuk ka një ekip që mund të llogaritet më i miri për vitin 2022.

Niveli i aftësive midis ekipeve të nivelit të parë dhe të dytë është zvogëluar në mënyrë dramatike këtë vit, kjo u tregua më së miri në turneun IEM Rio Major, me FaZe Clan , Natus Vincere, Cloud9 dhe Vitality që nuk arritën në fazën gjysmëfinale.

Edhe pse kjo është padyshim një gjë e mirë për skenën pasi çdo ekip mund të befasoj për të fituar trofeun e një turneu, dhe u jep më shumë shanse lojtarëve të rinj dhe mund të tërheqë më shumë investime nga organizatat që nuk marrin pjesë në CS:GO, jo të gjithë po e shijojnë gjendjen aktuale në skenën profesionale.

Mohan “Launders” Govindasamy i cili gjithashtu njihet per analizat ne kanalin e tij te CS:GO, nuk është i kënaqur se si skena profesionale është shpalosur këtë vit.

“Më pëlqen shumë dominimi dhe mendoj se gjatë epokës së Astralis ishte vërtet interesante të shihja skuadrat që përpiqeshin të bëheshin po aq të mirë sa Astralis, të bënin lëvizje në listë dhe gjithçka të tillë”, tha Launders në një intervistë për Pley.

“Ndërsa për momentin ndihem sikur është konfuze për skuadrat – ato mund të humbasin pothuajse me këdo, dhe nëse skuadrat duhet apo jo të bëjnë një lëvizje në listë është për debat. Dhe nuk e di nëse vërtet mund të merrni vendimin e duhur”.
Sipas Launders, të ashtuquajturat “epoka” kur një ekip fiton disa turne në një hark kohor, i cili në përgjithësi përfshin një Major, ndihmuan në formësimin e ‘Meta’ të CS:GO.

Turnetë e fundit të nivelit të lartë të CS:GO u fituan nga tre ekipe të ndryshme, Vitality fitoi sezonin 16 të ESL Pro League në tetor dhe nuk luajti mirë në Major, Outsiders befasuan duke fituar IEM Rio Major dhe Heroic fituan BLAST Premier Fall Final së fundmi. /Telegrafi/

Exit mobile version