Trajneri Ruben Amorim thuhet se ka bërë një pranim shokues për miqtë e tij për Manchester Unitedin dhe lojtarët e klubit që do të shqetësojë tifozët e klubit anglez.
Portugezi u emërua menaxher i United nëntorin e kaluar pasi ai zëvendësoi Erik ten Hag, duke nënshkruar një kontratë deri në qershor 2027, me opsionin e një viti tjetër.
Ai mbërriti në Old Trafford pasi bëri emër në Portugali, ku fitoi trofe dhe zbuloi talentë te Sporting Lisbona, që përfshinte një fitore ndaj Manchester Cityt të Pep Guardiolës në Ligën e Kampionëve.
Por, Amorim ka duruar një fillim të vështirë të jetës si trajner i United, me Djajtë e Kuq që pësuan dështimin e tyre të fundit kundër Fulham, i cili i eliminoi ata nga FA Cup fundjavën e kaluar.
Përpara se United të rifillojë fushatën e tyre në Ligën e Evropës të enjten, një raport thotë se 40-vjeçari u ka thënë “miqve se mendon se ka gabuar duke marrë detyrën”.
Sipas Football Insider, Amorim mendon se duhet të kishte pritur të paktën këtë verë dhe nuk duhej t’i nënshtrohej ultimatumit ‘tani-ose-kurrë’ të lëshuar nga shefat e Djajve të Kuq në mes të negociatave.
Burimet gjithashtu pohojnë se portugezi ka qenë “personalisht i tronditur nga sa të këqij janë lojtarët”, duke “menduar se ishin shumë më të mirë”.
Amorim ka humbur tashmë 10 ndeshje që kur mori drejtimin e United, por mund ta shpëtojë disi sezonin e tyre me suksesin e Ligës së Evropës.
Ata përballen me Real Sociedad në fazën e 1/8-tës, por Amorim këmbëngul se klubi ka gjëra ‘më të mëdha’ për të menduar. /Telegrafi/