Dani Alves u pyet për treshen e re të sulmit të krijuar në këtë afat kalimtar nga PSG dhe ai ka dhënë mendimin e tij, por të kundërt me atë që mendojnë të tjerët.
Ai nuk e lavdëroi treshen e sulmit me Neymarin, Edinson Cavanin dhe Kylian Mbappen, por tha se është meritë e të gjithë skuadrës dhe loja nuk mund të fitohet vetëm nga tre lojtarë.
“Unë nuk mendoj se futbolli sillet vetëm rreth asaj treshe. Aty në fushë ishte një ekip i tërë, plot emra të mëdhenj, njëlloj si këta që kemi këtu për të bërë diferencën. Treshja ka nevojë për futbollistët e tjerë përreth”.
“Për të mos pësuar rënie, duhet të mendojmë për rezultatet e kaluara. Unë nuk besoj te gabimet, por te mësimet”.
“PSG ka përjetuar një situatë dhe duhet të mësojë dhe të jetë e matur, pasi dihet se çfarë nevojitet për të arritur rezultat”.
“Ja pse ne kemi shumë futbollistë me eksperiencë në ekip, kështu që askush nuk humbi asgjë”, ka thënë Dani Alves. /Telegrafi/