Ish futbollisti i Interit dhe Juventusit, që tashmë luan me Fluminensen në Brazil, Felipe Melo, ka folur për rastet e përdhunimit të Dani Alves dhe Robinhos.
Të dy akuzohen se kanë kryer vepra të rënda siç është përdhunimi dhe janë dënuar me burg.
Në një prononcim të bërë për mediumin ge.com, Melo u deklaruar publikisht kundër Dani Alves dhe Robinhos, duke thënë se duhet të përfundojnë në burg.
“Dani Alves dhe Robinho duhet të bëjnë burgu, pasi e meritojnë! Ata duhet të paguajnë pasojat e veprimeve të tyre. Nuk më intereson se sa të famshëm janë apo se janë brazilianë si unë”.
“Unë kam një vajzë 15 vjeçe dhe si baba e kuptoj se sa dhimbje të madhe shkaktojnë akte të tilla kriminale”.
“Nëse unë do isha në vendin e baballarëve të atyre vajzave që janë përdhunuar, do të hakmerresha personalisht”, ka thënë Melo. /Telegrafi/