Alexandre Pato po i afrohet rikthimit në futboll, pasi u lirua nga skuadra e MLS, Orlando City, shkaku që pësoi një lëndim të tmerrshëm në gju shtatorin e kaluar.
Braziliani kaloi gjysmë sezoni në huazim me Chelsean nga Corinthians në sezonin 2015/16, por bëri vetëm dy paraqitje me trajnerin e përkohshëm Guus Hiddink që nuk dëshiron t’i jepte sulmuesit mundësi të shpeshta.
Që atëherë, 33-vjeçari ka luajtur në Spanjë, Kinë, Brazil dhe Shtetet e Bashkuara, por aktualisht është një lojtar i lirë pasi u largua nga Orlando në janar.
Pato e filloi karrierën e tij në Brazilin e tij të lindjes me Internacionalin, por bëri emër në Itali me Milanin, duke shënuar 63 gola në 150 paraqitje midis 2007 dhe 2013.
Një rikthim në Brazil me Corinthians pasoi para një huazimi dy-vjeçar në Sao Paulo dhe një qëndrimi të shkurtër në Stamford Bridge.
Tani, sipas raportimeve, veterani mund të vendoset për një periudhë të tretë në Sao Paulo, pasi e kaloi të dytën midis 2019 dhe 2020.
Lojtari i lirë ka kaluar nëpër rehabilitim në terrenin stërvitor të klubit brazilian të Serie A ndërsa po rikuperohej nga lëndimi i gjurit dhe, sipas UOL Esporte, ish-skuadra e Pato tani mund t’i ofrojë atij një kontratë me vlerë vetëm 10,000 euro në javë.
Me 27 paraqitje dhe 10 gola në emër të tij për Brazilin, karriera e 33-vjeçarit ka qenë sigurisht e çuditshme, por një rikthim në futbollin më të lartë në atdheun e tij mund të jetë pikërisht ajo që i duhet për të përfunduar kohën e tij si futbollist, pavarësisht nivelit të ulët. /Telegrafi/