Toby Alderweireld pritet të largohet nga Tottenham Hotspur në fund të edicionit.
Mbrojtësi belg ka shkëlqyer në vitet e fundit në Ligën Premier dhe është bërë ndër më të kërkuarit.
Klubi londinez i ka ofruar kontratë të re katër vjeçare mbrojtësit belg por një gjë të tillë ky i fundit nuk e ka pranuar.
Kontrata aktuale e Alderweireld me Spurs skadon në verën e vitit 2019.
Kësisoj Tottenham ka vendosur që ta nxjerrë në shitje lojtarin për të fituar nga ai.
Spurs po kërkon rreth 40 milionë euro për ta lënë të lirë reprezentuesin belg.
E sipas asaj që ka shkruar Daily Mirror, për Manchester United belgu është prioriteti kryesor për mbrojtjen.
Djajtë e Kuq pritet të bëjnë ofertën e duhur në verë dhe ta transferojnë 29-vjeçarin para fillimit të Kampionatit Botëror. /Telegrafi/