Edhe këtë vit, GALERIA Shopping Mall, në bashkëpunim me Luna Academy dhe Stacionin Policor të Prizrenit, organizuan aktivitetin e veçantë dhe edukativ për fëmijët, me temën “Rregullat e Qarkullimit Rrugor”.
Ky aktivitet synon t’u mësojë fëmijëve rregullat bazë të qarkullimit rrugor, duke i ndihmuar ata të kuptojnë rëndësinë e sigurisë në rrugë përmes shembujve dhe situatave praktike të moderuara nga vetë policia.
Me demonstrime të ndryshme, duke përfshirë kalimin e sigurt në rrugë, përdorimin e vijave të bardha, dhe njohjen e sinjalistikës rrugore, fëmijët patën mundësinë të mësojnë përmes shembujve konkretë dhe të marrin këshilla të drejtpërdrejta nga oficerët e policisë.
Ky aktivitet ishte një mundësi e shkëlqyer për fëmijët që të mësojnë në mënyrë interaktive dhe argëtuese, ndërkohë që ndërtojnë ndërgjegjësimin për sigurinë në rrugë.
Bashkë me Luna Academy dhe Stacionin Policor të Prizrenit, fëmijët e përfunduan aktivitetin jo vetëm me buzëqeshje por edhe me njohuri të reja që do t’i ndihmojnë në përditshmërinë e tyre.
Siguria fillon me njohuri! Të mësojmë sot, për një të ardhme më të ndritur nesër!
GALERIA e dëshirave tuaja!